不倒翁中日火鍋料理

營業中

休息中

今次約左同事仔打邊爐，好耐無見，佢都算唔話得，就到我係佐敦，所以真係做九龍人最方便，哈哈哈叫左個鴦鍋底 ，麵鼓湯底很香濃，有唔少昆布，豆腐粒，非常下火。仲有沙嗲湯勁濃花生香味，勁惹味。鮮枝竹 一盤都好多下，已浸軟，不會好易散，枝竹都升靚，勁香豆味金牌手切牛 由於朋友食素，我就可以整蝶食曬佢。肉質嫩滑，油脂分佈平均，切得唔算太厚太薄，入口鮮嫩無比。韭菜餃有4隻，滿滿嘅餡料脹卜卜，餡料有新鮮蝦仁爽口彈牙，韭菜都算多，亦都有少少瘦肉。魚皮餃有4隻，魚皮餃算大隻，外層煙煙靭靭，半透明狀態，餡料嘅鮮肉，食落去非常鮮味。丸雙拼 有爽口彈牙嘅蝦丸，亦有墨魚肉粒嘅墨魚滑，我最鍾意呢一類海鮮打成膠狀嘅魚滑，非常新鮮。醬油都算多款都係每位 $25，服務很好，主動幫我哋加湯或者加水。其實二人套餐都好抵食，只係當日我哋唔太食得生冷嘢，所以散叫為主，都一樣有好多選擇。