餃餃餃子 (已結業)

老婆話去餃餃餃子度食，聽個名我仲以為係一間上海餃子店。但去到門口先知道係一間日式餃子店。兩個人，叫咗五樣嘢。第一樣係 chao chao 餃子，16件， 每件都細細啖。 啲皮都黏得好實，你都好難夾返16件出嚟。夾夾下就皮肉分離。第二樣係三色餃。分別係海老，蘑菇同九條蔥餃子。除咗分得開海老外，其餘兩款食咗都唔知咩味。第三樣就咖喱烏冬，呢個最唔抵食。一個烏冬加咖喱汁就盛惠$48.第四樣係日式牛筋豆腐煮飯。相比個咖喱烏冬，呢個賣相同味道都好食好多。最後係小丸子，話香港店特有，但食落同其他店都無大分別。總括而言，店舖有不同口味的餃子，是有誠意的。不過會唔會試晒咁多款？我就不會了。