影片
更多
2007-05-11
24 瀏覽
離開工作的地方數月, 對一眾兄弟, 至今依依. 三年來, 一直大呼小叫, 要meet & greet 在牛記搞, 可惜只聞樓梯聲響, 個個話有興趣, 多次搣&唧卻都在別的地方. 昨夜也, 終於成事, 精彩. 教本山人心有戚戚的, 是視為兄長之人, 因其妻不適, 未克出席. 自別去以後, 好像和他疏遠了很多. 上次見面, 本山人簡直想起老婆最愛的顧城《遠和近》: 你/ 一會兒看我/ 一會兒看雲/ 我覺得/ 你看我時很遠/ 看我時很近. 當然這是一首情詩, 可是那感覺多麼相似. 本山人可能表面灑脫, 終究乃牽拖之人. 焉有東坡“人生到處知何似，應似飛鴻踏雪泥. 泥上偶然留指爪，鴻飛哪復計東西”之慷慨哉. 念及此間, 復想起當初來牛記, 又是另一兄長介紹, 今天同樣疏遠不少. 是我變了嗎? 當然, 其他兄弟終於在我走後搞返劑牛記搣&唧, 雖然另有兩人甩底, 亦絕對值得高興. 十二成人一小妹妹, 點了: 豉椒boy聖子到豉椒炒蜆清蒸/ 蒜蓉粉絲象拔蚌白焯海中蝦白焯花螺陳皮蒸班腩椒鹽賴尿蝦腐乳椒絲通菜薑荵霸王別雞椒鹽骨椒鹽鮮魷先來送的例湯, 是日冬瓜也, 清甜夠味. 牛記的例湯不見得驚天動地,
你/ 一會兒看我/ 一會兒看雲/ 我覺得/ 你看我時很遠/ 看我時很近.
當然這是一首情詩, 可是那感覺多麼相似. 本山人可能表面灑脫, 終究乃牽拖之人. 焉有東坡“人生到處知何似，應似飛鴻踏雪泥. 泥上偶然留指爪，鴻飛哪復計東西”之慷慨哉. 念及此間, 復想起當初來牛記, 又是另一兄長介紹, 今天同樣疏遠不少. 是我變了嗎?
當然, 其他兄弟終於在我走後搞返劑牛記搣&唧, 雖然另有兩人甩底, 亦絕對值得高興. 十二成人一小妹妹, 點了:
豉椒boy聖子到
豉椒炒蜆
清蒸/ 蒜蓉粉絲象拔蚌
白焯海中蝦
白焯花螺
陳皮蒸班腩
椒鹽賴尿蝦
腐乳椒絲通菜
薑荵霸王別雞
椒鹽骨
椒鹽鮮魷
先來送的例湯, 是日冬瓜也, 清甜夠味. 牛記的例湯不見得驚天動地, 但永遠不會難飲.
例湯後未齊人, 兩位兄弟的莎當妮白酒梅鹿紅酒各兩枝出擊. 莎當妮帶橡木味, 本山人口味較女性化, 不太喜歡. 倒是加州merlot 果味郁厚, 單寧輕柔, 雖不能要求後勁after taste, 亦怡人討好, 適合熱鬧飯局, 觥籌交錯之間. 喝到那枝rose 時, 已是醺醺彷彷, 不知其味矣.
聖子到! 幸好一早留了斤半, 否則在牛記沒聖子吃絕不出奇. 很多人來到會吃大聖子, 大聖子雖好吃, 但處處貨仔差不多, 牛記的細聖子質素比外間好得多. 肉爽, 鮮甜不在話下. 尤其肥美得出奇, 有幾可食聖子咬開會爆汁出來? 今次的蜆差了一點, 較瘦. 這裡豉椒汁調味甚佳, 色水雖深, 味不過濃, 不會搶走海鮮鮮味. 甜而小辣, 吊起味道. 豆豉靚得很, 鬆化, 甘香, 不過鹹, 每次我都會食十粒至夠喉.
象拔蚌仔也, 廿蚊隻, 本山人當然吃清蒸那些. 郁郁下之象拔蚌仔, 新鮮就自然好吃. 豉油又是好味得難以置信, 那鮮甜足以下三大碗白飯, 而且特別有熟油香, 吾不解矣.
今時今日, 好蝦難求, 這裡也不例外. 新鮮是新鮮了, D 殼硬淨可知. 但肉無甚蝦味, 早知吃豉油煎大花蝦, 起碼肉夠大件, 頭多膏, 又煎得極惹味. 白汁就免了, 中式炒會很油, 白汁搞到油淋淋, 奇哉怪也.
焯花螺又是靠新鮮, 而新鮮在牛記是必然之事. 新鮮的程度是無需點醬, 連腸都食得. 不要貪大, 小的更好吃, 更嫩.
陳皮蒸班腩乃招牌菜, 每日屠宰, 又係唔留定分分鍾無得食. 由於料夠靚, 直頭豉油都唔落, 只下少許鹽和生粉. 肉實, 一口咬下簡直充滿生命力, 剛剛熟, 陳皮極之好吃, 本山人每次都會清碟.
椒鹽賴尿蝦, 夠大隻, 兄弟說味淡, 我覺得濃則蓋其味矣. 然而胡椒粉似過多, 教人嘴都損晒.
通菜普普通通
薑荵霸王別雞, 雖是新鮮雞, 有雞味, 但偏肥. 識食雞的人都會吃瘦雞吧. 這裡的荵全取青嫩部份, 好吃. 薑稍失色.
椒鹽骨滑得很, 椒鹽鮮魷又是很新鮮, 絕無橡膠魷魚之弊, 鮮味, 而且炸漿蛋味極香. 古怪者, 為伴之辣椒亦沾炸漿, 不如墊底之生菜絲亦炸豈不更搞笑.
附送之生果次次都是木瓜蜜瓜西瓜, 又甜又夠凍. 白飯米粉都不錯.
除了昨晚吃的, 牛記的炸大腸亦佳作. 無橙紅色素, 外皮極脆, 內裡嫩滑, 而且乾淨, 毫無異味.
鹵水汁濃, 鵝肉不老
各種蒸魚當然新鮮, 火候剛好, 豉油又正. 值得一提牛記經常有筍殼, 在其他地方好似成日都無. 唔知點解好少人食筍殼, 又有魚味, 又滑到o雪o雪聲, 又蒸炸皆宜. 可能因為肉滑而易散吧
中式牛柳, 生炒骨, 古老肉, 沙拉骨等酸味肉類和者者雞煲, 比起牛記其他菜式, 是出奇地難吃, 而且好多時唔夠熟. 說起沙拉骨, 呢味野唔知邊個發明, 好地地加pat 沙律醬做mud? 而且出面d 沙律醬一定係舊裝勁肥果隻, 咪鬼食啦!
鵝腸不是新鮮的. 上網見有食友吃了這裡的鵝腸, 認真傻豬. 為食之人, order前梗要問清楚. 雖然本山人曾在Quarry Bay 七喜想order 焯鵝腸, 問老闆"你地d 鵝腸係咪新鮮?" "係, 梗係啦" "唔係果d 化學野那過ga ma?" "唔係ga" 結果都係比碟福爾馬林鵝腸標本我..... 比錢時"你又話鵝腸新鮮?" "唔新鮮嗎? 新鮮丫" 比佢吹漲!
service方面, 牛記也是沒話說的. 當然不是很有禮貌, 食西餐咁款, 但問他們有甚麼介紹, 煮法如何, 都很有耐性, 又會幫你預份量, 怕你叫太多食唔晒. 尤其那位成日食煙的阿叔超好心機, 得閒又問下你d 聖子得唔得, 點解哥仔食咁少螺呀. 地方不算很乾淨, 始終海鮮小炒館都係咁上下, 廁所勉強可以接受. 食物卻很乾淨, 貝類是逐隻刷的, 誠意可嘉. 自己煮都無咁好心機啦.
來牛記吃飯有個詭異之處是, 不叫龍蝦鮑魚等貴野, 永遠一人舊o靚兩舊. 有次和老婆狂蒸貝類當飯吃都只是五百多, 海鮮當飯都只是五百呀大佬! 但三個人只是焯下花螺, 吃碟菜仔, 炸大腸, 炒聖子, 蒸班腩, 又要四舊wor. 曾經懷疑他們既然無菜牌, 收費會否是大約開個價?
青青子衿, 悠悠我心. 縱我不往, 子寧不嗣音? 真的要約兩位兄長食返餐了. 只不知還當我是細佬嗎?
張貼