影片
更多
2016-12-05
349 瀏覽
蒸海鮮0係香港愈來愈流行。用既架餐蒸籠間間大同小異，要突出重圍，想必一定係靠用料同服務態度。今日朋友揸車車我黎油麻地食蒸海鮮，餐廳地點開車黎會比較方便好在朋友一早book 定位，去到就有位。店內4~6人枱居多，但原來入面有一個房可坐10幾人，下次可以成班朋友再黎一坐低店員就奉上一壺熱菊花茶，入面仲加有杞子同圓肉，好特別，感覺非常養生而且下火，味道仲好清甜，搞到我地都無再叫其他野飲餐前小食除左有花生，仲有醃製左既青瓜蘿蔔，同埋海鮮芽菜。 好驚訝餐前小食都甘揼本，有花甲同魷魚！八掛問店員，佢地話原來呢d 海鮮養唔到過夜，所以收工前都會滾熟晒去做小食。估唔到餐廳要保持食物新鮮，又唔浪費，真係抵讚！ 其實餐廳主要食套餐，我地揀左龍躉海鮮餐首先係食鮮蝦+花甲。海鮮用蒸既方法最食得出鮮味，花甲同蝦都好鮮甜。蝦蒸完之後仲好爽脆，而花甲好大隻，一d 都唔腥，無醃過無其他調味料都可以甘好食，真係新鮮先做到。龍躉魚腩蒸完之後無一夾起就散， 食落口原來肉質係帶少少脆，而且好滑。蝦丸 墨魚丸 梅頭肉丸煩咬落仲食到一粒粒墨魚。最欣賞梅頭肉，滑到不得之了！每塊都有少少肥肉， 滑得黎又juicy! 估唔到蒸豬肉都
今日朋友揸車車我黎油麻地食蒸海鮮，餐廳地點開車黎會比較方便
好在朋友一早book 定位，去到就有位。店內4~6人枱居多，但原來入面有一個房可坐10幾人，下次可以成班朋友再黎
一坐低店員就奉上一壺熱菊花茶，入面仲加有杞子同圓肉，好特別，感覺非常養生而且下火，味道仲好清甜，搞到我地都無再叫其他野飲
餐前小食除左有花生，仲有醃製左既青瓜蘿蔔，同埋海鮮芽菜。 好驚訝餐前小食都甘揼本，有花甲同魷魚！八掛問店員，佢地話原來呢d 海鮮養唔到過夜，所以收工前都會滾熟晒去做小食。估唔到餐廳要保持食物新鮮，又唔浪費，真係抵讚！
其實餐廳主要食套餐，我地揀左龍躉海鮮餐
首先係食鮮蝦+花甲。海鮮用蒸既方法最食得出鮮味，花甲同蝦都好鮮甜。蝦蒸完之後仲好爽脆，而花甲好大隻，一d 都唔腥，無醃過無其他調味料都可以甘好食，真係新鮮先做到。
龍躉魚腩蒸完之後無一夾起就散， 食落口原來肉質係帶少少脆，而且好滑。
蝦丸 墨魚丸 梅頭肉丸煩咬落仲食到一粒粒墨魚。最欣賞梅頭肉，滑到不得之了！每塊都有少少肥肉， 滑得黎又juicy! 估唔到蒸豬肉都可以蒸到甘滑，點解平時自己屋企蒸無呢個效果？
帶子 裙邊帶子同裙邊分開蒸，因為裙邊蓋都唔使冚，等10 幾秒就食得，非常爽脆但又易咬開，我最怕好似食象根甘.
而帶子又唔會蒸到過晒龍，最中心暖暖地，唔會overcook, 放落口仲係滑嘟嘟。
韮菜餃蒸得最耐，因為漲卜卜，好足料好大隻！
最後蒸埋蟲草雞同埋菜。 真係不得不佩服，連雞都甘滑，而且好入味。 菜不宜蒸太耐，會變乾。
最後食埋蒸架底既南瓜粥， 吸收晒海鮮既精華，另外有d 瘦肉同南瓜，真係甜入心！全程有店員服侍你唔使擔心唔知蒸幾耐。 而且店員都好主動，加茶，收骨碟等等。
用料又新鮮，服務又好，難怪小店唔係旺區都多人突登黎食！
張貼
