合點壽司

營業中

休息中

平時Weekend經過見到好多人排隊，聽講好似要等個幾鐘。今日閒日下午時段到訪，入座率大概40%，員工服務態度不錯食物： 炸京蔥絲魷魚 （$18）魷魚冇鮮味，不過都有少少膠。配合沙拉醬，味道比較有層次，正常水平牛油果三文魚 （$30）食唔到牛油果味，但三文魚很讚，鮮甜肥美，平均以上水平炙燒長鰭吞拿魚拖羅（$35）肉質難咬，冇魚味，即便加上檸檬調味，仍然好難食，亦冇一星半點炙燒嘅香味，差評鹽醋鯖魚拖羅捧壽司 （$24）全場最佳，做法同壽司郎鯖魚押壽司類似，不過呢個好食好多： 鯖魚入味，唔腥，易咬，味道同飯糰融合得好好，同酸姜亦夾，好抵食！軍艦 （唔記得咩魚）（$18）正常水平，略鹹炸竹輪 （$24）垃圾，雖然好大碟有幾條，但乾而無味，蘸上醬汁如是。唔建議！蟹肉茶碗蒸 （$35）店內人氣商品，蟹肉分量多，用料足，蛋嫩滑冇怪味，微溫食落肚好舒服，推薦！性價比OK總而言之，呢間壽司店唔係樣樣都好食，性價比一般。雖然服務態度良好，但我認為係可以一試但未必會長期光顧。