影片
更多
2008-07-24
15 瀏覽
果晚同一個朋友入去食晚飯, 叫左一個2人套餐另外再散叫左一個小食2個drink 一叫好快就到跟住係個湯果晚既 [ 意大利菜湯 ] 比平時o係果度飲既 { 淡味左d, 明顯入到溝左水既味 } 同埋平時佢點都會有一兩條意粉o係入面今次就冇意粉, 不過意粉都係裝飾下架姐 哈哈輪到 [ 龍蝦仔汁煙三文魚寬條麵 ] 個麵既味道唔錯, 吸收左d汁既精華, 三文魚都ok好味, 不過d { 龍蝦仔成碟得3粒.. }而且真係細粒到好似蝦米咁, 哩個就真係姑寒左d囉 同埋哩個麵略為油左d, 食到尾發現碟底有一茶匙油剩果個小食 [ 金粟芝士釀雞翼 ] 都已經唔係咩新產品, 繼續佢既水準啦我今次係第一次食 [ 巴馬火腿特薄脆批 ]薄脆批食落去既感覺幾好, 脆脆地份量都岩岩好我個朋友叫左 [ 酥皮海鮮湯 ] , 因為酥皮既關係, 佢個湯到最後先到我都知酥皮湯係要等耐d, 不過都應該要改善下個時間次序.. - 職員態度方面 - 話說我同朋友坐近廚房出菜位,果度有2塊鏡係對住咁樣痴o係一整個牆身d 職員行出行入廚房位都可以照到鏡我就發現果度既staff 真係好貪靚{
叫左一個2人套餐另外再散叫左一個小食
2個drink 一叫好快就到
跟住係個湯
果晚既 [ 意大利菜湯 ] 比平時o係果度飲既 { 淡味左d, 明顯入到溝左水既味 }
同埋平時佢點都會有一兩條意粉o係入面
今次就冇意粉, 不過意粉都係裝飾下架姐 哈哈
輪到 [ 龍蝦仔汁煙三文魚寬條麵 ]
個麵既味道唔錯, 吸收左d汁既精華,
三文魚都ok好味, 不過d { 龍蝦仔成碟得3粒.. }
而且真係細粒到好似蝦米咁, 哩個就真係姑寒左d囉
同埋哩個麵略為油左d, 食到尾發現碟底有一茶匙油剩
果個小食 [ 金粟芝士釀雞翼 ] 都已經唔係咩新產品, 繼續佢既水準啦
我今次係第一次食 [ 巴馬火腿特薄脆批 ]
薄脆批食落去既感覺幾好, 脆脆地
份量都岩岩好
我個朋友叫左 [ 酥皮海鮮湯 ] , 因為酥皮既關係, 佢個湯到最後先到
我都知酥皮湯係要等耐d, 不過都應該要改善下個時間次序..
- 職員態度方面 -
話說我同朋友坐近廚房出菜位,
果度有2塊鏡係對住咁樣痴o係一整個牆身
d 職員行出行入廚房位都可以照到鏡
我就發現果度既staff 真係好貪靚
{ 上菜既時候掛住望住塊鏡, 行開走果陣又照鏡 }
{ 有次直頭見到個女職員o係鏡面前撥頭髮 }
我即刻聯想到好似o係toilet見到其他女仔照鏡咁
即時打左個凸唔想食野...
唔至女仔照鏡架, 連男仔都見到有好幾個
佢地既態度真係頗為 { 旁若無人 } 囉..
另外, 佢地既工作效率真係幾高
我先岩岩夾起最後一隻雞翼唔夠2秒就有人埋黎收碟
再誇張都仲有
我朋友岩岩將最後一條寬條麵夾起
個職員就即刻拎走左隻碟
我朋友連佢個麵跟黎既叉同匙羹都趕唔切擺低
仲要2次都只係咁岩行過
真係奇怪, 明明我落order叫人果陣舉左隻手好耐都冇人理
收碟就收得咁快...
於是我同朋友一齊寫左意見書
首先o係食品方面略讚佢個pizza咁啦, 之後就o係橫線上寫意見
"當我剛夾起最後一條寬條麵之時, 那碟子就如風般消失得無影無蹤
另外, 年輕職員不論男女亦經常在廚房出入口照鏡, 態度旁若無人"
我交左意見書俾一個年約20既男職員
我見到佢就企o係廚房果個出入口位背住我
先自己細閱我同朋友寫既意見
之後我就聽到佢同一個又係年約20女職員大聲講 : "嘩! 快d睇完快d掉左佢啦!! "
女職員即刻搶黎睇
之後佢係咪真係掉左個意見書我就唔知
因為我連佢本來交意見書會送返既coupon都嬲到冇要就走左
但係可以肯定既係 { Pizza Hut既意見書 形同虛設 } 囉!
佢d staff咁既服務態度真係好差
照鏡同"效率高"都唔係大問題, 但係私自"處理"意見書真係好過份囉!
張貼