影片
更多
2010-05-25
373 瀏覽
去水口摸完蜆, 搭巴士出東涌, 又唔想係東涌大商場度開餐, 於是決定出到東涌見到食店就落車搵食.... 一轉出東涌就見到有兩間食肆. 唔理好唔好食平定貴, 去馬先算..一間係泰國菜, 有d客人, 一間係印度菜, 無咩客人, 所以我地就揀左泰國菜 - 新小泰皇, 因為呢度o既環境都好d, 有d情調, 同埋有d人氣, 個feel唔錯.由於得好似兩個人去serve, 等左一陣先落到單, 叫左個泰式柚子蝦沙律, 咖哩海鮮, 一客蒜茸包, 同一客芒果糯米飯(後加).佢唔單只落單要等, 上菜等得更誇張, 以為先會上個蒜茸包喇. 點知佢先上個沙律, 不過等左6-7分鐘... 叫沙律因為貪佢有d生果, 會清d.... 點知上檯只見一碟淋上醬油o既柚子肉加5-6只中蝦, 因為好多醬油, 所以食唔到d柚子味, 好彩係d醬油唔係好咸... 而d蝦都幾好, 因為夠爽, 仲可以食到d蝦味, 唔係d無味o既玻璃蝦... 等多10分鐘, 第二個菜到喇.. 但係仲未到蒜茸包... 而係主菜咖哩海鮮. 好少料呀... 好似得三只蝦, 一只魷魚, 同埋3只青口.. 係咁多, 不過就要成78蚊(好似係)... 好貴咁囉.
一間係泰國菜, 有d客人, 一間係印度菜, 無咩客人, 所以我地就揀左泰國菜 - 新小泰皇, 因為呢度o既環境都好d, 有d情調, 同埋有d人氣, 個feel唔錯.
由於得好似兩個人去serve, 等左一陣先落到單, 叫左個泰式柚子蝦沙律, 咖哩海鮮, 一客蒜茸包, 同一客芒果糯米飯(後加).
佢唔單只落單要等, 上菜等得更誇張, 以為先會上個蒜茸包喇. 點知佢先上個沙律, 不過等左6-7分鐘... 叫沙律因為貪佢有d生果, 會清d.... 點知上檯只見一碟淋上醬油o既柚子肉加5-6只中蝦, 因為好多醬油, 所以食唔到d柚子味, 好彩係d醬油唔係好咸... 而d蝦都幾好, 因為夠爽, 仲可以食到d蝦味, 唔係d無味o既玻璃蝦...
等多10分鐘, 第二個菜到喇.. 但係仲未到蒜茸包... 而係主菜咖哩海鮮. 好少料呀... 好似得三只蝦, 一只魷魚, 同埋3只青口.. 係咁多, 不過就要成78蚊(好似係)... 好貴咁囉. 味道都比較正常dd... 最鮮係青口(不過青口都幾難唔鮮), d蝦就無咩味, 好似仲有小小蝦o既鮮味, 不過唔係好記得喇... 就係因為無咩鮮味先會留下咁糢糊, 哈哈.
上左個咖哩都仲未上個包, 而個中間加單o既芒果糯米飯竟然仲早到個應該第一個上o既包, 再三催促, 先俾一個驚訝o既面容我地.... 好似仲未落單咁, 又或者d包入左焗爐唔記得左咁... 不過都要等多兩分鐘先上個包, 好唔得, 乾到透, 無蒜茸味, 只係5件要成30蚊, 勁唔得...
最後講下唯一一個叫做好味o既東東... 棷汁芒果糯米飯.. 芒果好甜好香, 糯米飯好正常. 成晚最好味係佢.. 哈哈..
不過我唔係為左食甜品喎.... 唉~~~~ 又一間一次性餐廳.. 哈哈..
張貼
