影片
更多
2021-01-13
931 瀏覽
星期一午市專登去食個set lunch，12點45去到已經七成滿，本地女侍應叫我地坐吧檯，我都覺得幾好，可以望住廚師整野食。等左大約5-8分鐘先有個外籍女侍應幫我地落單，我地點左兩個set lunch 冇加野飲，都同佢講左不下4-5次thanks，等左大約15分鐘有野食。豬扒好厚，皮煎到好脆，中間啲肉就因為比較瘦所以會硬少少，都感覺良好。手撕豬肉漢堡好食，有個好味嘅汁，加埋脆卜卜煙肉一齊食，是日亮點。薯條係粗長版，熱同脆，冇野投訴。埋單叫左三次都俾人hea，企正喺部收銀機前面5分鐘都冇人嚟埋單（當時已走剩3-4個客，其他檯都冇特別要serve），見到外籍女侍應張相喺啲牌照度出現，疑似係老闆娘。當時外籍女侍應係見到我企左喺度等佢，但佢依然無視我同兩個啱啱入嚟坐低嘅客吹水唔理我，到佢吹完水就行去廚房搞一大輪都唔出嚟，後來見到佢拎啲餐湯定餐飲俾嗰兩個啱啱入嚟坐低嘅客，對比返頭先我地坐低等左咁耐先有人落單真係天淵之別。加埋佢啲嘴臉，唔知真係以為係我欠左佢！本來諗緊佢係咪歧視香港人，但有啲客都係本地面孔，仲相談甚歡，我諗佢只係歧視年輕新客/唔額外加野食嘅客。呢間野真係冇下次，除非想貼錢買難受啦
等左大約5-8分鐘先有個外籍女侍應幫我地落單，我地點左兩個set lunch 冇加野飲，都同佢講左不下4-5次thanks，等左大約15分鐘有野食。
豬扒好厚，皮煎到好脆，中間啲肉就因為比較瘦所以會硬少少，都感覺良好。手撕豬肉漢堡好食，有個好味嘅汁，加埋脆卜卜煙肉一齊食，是日亮點。薯條係粗長版，熱同脆，冇野投訴。
埋單叫左三次都俾人hea，企正喺部收銀機前面5分鐘都冇人嚟埋單（當時已走剩3-4個客，其他檯都冇特別要serve），見到外籍女侍應張相喺啲牌照度出現，疑似係老闆娘。當時外籍女侍應係見到我企左喺度等佢，但佢依然無視我同兩個啱啱入嚟坐低嘅客吹水唔理我，到佢吹完水就行去廚房搞一大輪都唔出嚟，後來見到佢拎啲餐湯定餐飲俾嗰兩個啱啱入嚟坐低嘅客，對比返頭先我地坐低等左咁耐先有人落單真係天淵之別。加埋佢啲嘴臉，唔知真係以為係我欠左佢！
本來諗緊佢係咪歧視香港人，但有啲客都係本地面孔，仲相談甚歡，我諗佢只係歧視年輕新客/唔額外加野食嘅客。
呢間野真係冇下次，除非想貼錢買難受啦
37 瀏覽
0 讚好
0 留言
張貼
