Sense Cafe (已搬遷) 新店位置

之前我有成日幫襯這間店舖，印象中食物品質亦都唔錯，最近我又再幫襯！我哋叫咗兩個午餐套餐，蘑菇忌廉湯質素仍然保存，仍然有好香嘅蘑菇味，配上滑滑的忌廉，配合得好好！午餐嘅套餐係連飲品嘅，所以食完飯之後可以飲杯茶慢慢繼續同朋友傾計！呢度嘅店員又唔會叫食客離開，唔趕時間嘅話可以喺度慢慢食！這個燒雞係我必要嘅，以前可以轉薯條，但係根據店員所講係唔可以轉嘅，因為佢哋好忙，所以唔可以轉意粉又或者薯條，只可以跟飯，oh my god ！即刻吸引力大減，相信我之後都唔會去啦！燒雞嘅香茅味亦都冇以前咁出色啦！我朋友想試食這個紅酒炆牛尾，牛尾好淋，味道ok，但冇特別！