火間土 (已結業)

嗰日我地去完動植物公園，再坐返船過尖沙咀。男友即興帶咗我嚟北京道一號搵食，而小妹都係第一次知道有北京道一號這個地方！原來有咁多好嘢食嘅！由於小妹對日本菜情有獨鍾，所以都係揀咗日本餐廳「火間土」，唔知點解成日同「山頭火」撈亂！店員安排咗我地坐低後，我地見到近窗的枱全部都係吉的，就問店員可否安排靠窗位置，點知該店員面帶不屑地同我地講，最低消費800蚊先可以坐架喎！於是乎，我地唔理佢，繼續點餐。我地點咗櫻花蝦薄餅同蟹明太ドリア白汁焗蟹肉飯！兩份都好巨型好大份，食到好飽。如果食日本菜，我地可以有更好嘅選擇同更好嘅服務！