影片
更多
2018-06-27
494 瀏覽
難得平日冇野做，阿媽又放假，於是帶佢嚟屋企附近嘅酒樓飲茶。雖然佢離我屋企只係5-6分鐘嘅路程，但係酒樓轉手之後我一直都未嚟試過，今次就試下佢好唔好食。我食到一半先記起要影相，所以有d野食冇影到/食到一半先影。魚滑生菜粥($10.8)碗粥好大碗，仲大過海皇粥店果d，唔會好水汪汪咁，不過應該有落d味精。以$10.8嚟講，CP值極高。鮮蝦腸粉($13左右)一碟有3條腸粉，每條得1隻蝦，d蝦都算大隻，不過唔知點解d腸粉唔熱嘅。牛肉腸粉($20.8)食到一半先記得影。一樣係一碟3條腸粉，牛肉算多，但係一樣唔多熱。佢d腸粉應該即叫即整，因為都等咗幾耐先到，所以都唔明點解嚟到嘅腸粉會唔熱。黃金千層糕($16.8)又係食到一半先記得影。佢一籠有3舊，食落似鬆糕，中間夾咁2層好薄嘅奶黃餡，算係幾好食。蝦餃($23.8)正正常常咁，個皮有d厚，但係蝦肉算多。燒賣($23.8)等咗成個鐘先到,，正正常常嘅燒賣，偏細粒，俾我簡我應該會食唐記嘅燒賣就算。佢野食唔算難食，但係服務就真係麻麻。我地平日10點左右到，個場唔算好full，佢地有個area d枱係吉嘅，但係唔俾人坐，又冇人book咗，係要安排我地同其他人
我食到一半先記起要影相，所以有d野食冇影到/食到一半先影。
魚滑生菜粥($10.8)
碗粥好大碗，仲大過海皇粥店果d，唔會好水汪汪咁，不過應該有落d味精。以$10.8嚟講，CP值極高。
鮮蝦腸粉($13左右)
一碟有3條腸粉，每條得1隻蝦，d蝦都算大隻，不過唔知點解d腸粉唔熱嘅。
牛肉腸粉($20.8)
食到一半先記得影。一樣係一碟3條腸粉，牛肉算多，但係一樣唔多熱。佢d腸粉應該即叫即整，因為都等咗幾耐先到，所以都唔明點解嚟到嘅腸粉會唔熱。
牛肉腸粉
$21
35 瀏覽
0 讚好
0 留言
黃金千層糕($16.8)
又係食到一半先記得影。佢一籠有3舊，食落似鬆糕，中間夾咁2層好薄嘅奶黃餡，算係幾好食。
蝦餃($23.8)
正正常常咁，個皮有d厚，但係蝦肉算多。
蝦餃
$24
13 瀏覽
0 讚好
0 留言
燒賣($23.8)
等咗成個鐘先到,，正正常常嘅燒賣，偏細粒，俾我簡我應該會食唐記嘅燒賣就算。
燒賣
$24
17 瀏覽
0 讚好
0 留言
佢野食唔算難食，但係服務就真係麻麻。我地平日10點左右到，個場唔算好full，佢地有個area d枱係吉嘅，但係唔俾人坐，又冇人book咗，係要安排我地同其他人搭枱。Staffs嘅態度麻麻就預咗，做飲食業有幾辛苦就個個都知，所以都明嘅。而當我地想問經理拎個外賣盒果陣，明明我舉曬手大大聲咁同佢講，佢直接起我面前直行直過，當我心諗唔通我太細聲定存在感太低果陣，反而企起好遠嘅staff走嚟問我有咩需要，咁我諗應該唔係我問題掛。
依間野除咗近屋企之外，我都諗唔到有其他原因要再去。
張貼
