極尚大喜屋 (加連威老道) (已結業)

見好耐都無見日式放題，咁見朋友剛剛食完極尚大喜屋話幾好食又抵，咁就打左去bokk又有位，終於有機會同老公去食餐勁！我地食8點9呢轉，嘩，咁夜都全場爆滿😨我地見咁多人梗係快快手點野食。點左好多野食，竟然唔駛一陣就上檯。我地叫左好多刺身，甜蝦同帶子勁甜勁新鮮！仲有油金魚都好正！仲有海蝦、赤貝、希靈魚、三文魚、象拔蚌都水準之上。最正係壽司每件都細細舊，唔駛食飯食飽，仲可以食多幾款，而且仲有海膽壽司任食！估唔到係有霸王花豬骨湯飲，我飲左兩碗，都幾好飲，仲有我愛的雞腳。最值得一讚，係佢地既服務係超級好，我可以講我未見過一間日式放題有咁好既服務，上菜快、無漏單、有笑容，仲要對客人好關心，我地臨走個時，侍應驚我地唔記得叫雪糕，仲提醒我地。