更多
2012-10-17
26 瀏覽
今日走來MEGABOX食LUNCH, 突然想食台式食品別無他選.點左個香酥豬小排湯麵配凍水蜜桃果茶.每款LUNCH SET都包一款小食, 是日小食係醃青瓜.雖然只得小小幾粒青瓜, 但味道清甜爽脆, 小食都做得一點不馬虎.來既炸豬扒份量都唔小, 炸得鬆脆而不油, 豬扒肉質夠鬆帶點五香粉味道.湯麵有2小片炸過既蓮藕夠特別, 不過食時已經半淋口感怪怪又無味,湯底味道亦偏淡, 不過麵質似係日式拉麵夠彈牙.至於飲品水蜜桃果茶就超級甜又沒有蜜桃味, 最後要加水溝淡先可以飲.整體上環境都唔錯可以睇人地溜冰, 而且座位都幾舒服, 服務有禮, 如果多D時間都算一個好HEA既地方.
張貼