影片
更多
2016-06-12
154 瀏覽
星期五放工想同朋友食個飯聚下舊，旺角真係個唔錯既選擇。位於旺角朗豪坊既紅蔥頭，係香港都有好幾間分店，之前都去過好幾間，不過朗豪坊呢間就真係第一次。望住餐牌，真係唔知點揀，因為選擇真係幾多，意粉，飯，扒類，每樣都有好多選擇，就係連套餐配咩都有得揀。最後我地叫左一個意粉同埋雞扒，再加$28配餐湯 + 餐包同埋餐飲。餐湯+ 蒜茸包:餐湯可以揀紅湯同白湯，紅湯係羅宋湯，蕃茄味好濃，又多料，D湯渣仲好好味，配埋蒜茸包食，真係幾開胃。茄子辣肉腸牛肝菌意大利粉:呢個意粉炒得幾好，意粉軟硬度適中，茄子加配上彩椒，牛肝菌同辣肉腸炒埋一齊感覺上好夾，食起上黎好有香菇既味道！特濃芝士鐵板雞扒:起初都以為呢個鐵板雞扒會好重芝士味，但係其實都唔算好濃，雞扒方面，唔算好大塊，不過肉質好嫩滑，煎得好香口，個汁都好入味，仲配埋薯菜，薯條仲要整得夠脆，值得一讚既係店員好主動俾埋枝茄汁我地，唔洗問佢地攞，唯一美中不足既係菜比較少，多一D會健康D。熱咖啡 + 熱奶茶咖啡味好香濃，上檯時仲係好熱架，非常滿足。飲飲下餐茶，發覺好似差梗D野咁，2個女生都好想食甜品，見到餐牌可以揀+$15 加個雪榚或者+$28 要心太軟，最後我地
望住餐牌，真係唔知點揀，因為選擇真係幾多，意粉，飯，扒類，每樣都有好多選擇，就係連套餐配咩都有得揀。最後我地叫左一個意粉同埋雞扒，再加$28配餐湯 + 餐包同埋餐飲。
餐湯+ 蒜茸包:餐湯可以揀紅湯同白湯，紅湯係羅宋湯，蕃茄味好濃，又多料，D湯渣仲好好味，配埋蒜茸包食，真係幾開胃。
茄子辣肉腸牛肝菌意大利粉:呢個意粉炒得幾好，意粉軟硬度適中，茄子加配上彩椒，牛肝菌同辣肉腸炒埋一齊感覺上好夾，食起上黎好有香菇既味道！
特濃芝士鐵板雞扒:起初都以為呢個鐵板雞扒會好重芝士味，但係其實都唔算好濃，雞扒方面，唔算好大塊，不過肉質好嫩滑，煎得好香口，個汁都好入味，仲配埋薯菜，薯條仲要整得夠脆，值得一讚既係店員好主動俾埋枝茄汁我地，唔洗問佢地攞，唯一美中不足既係菜比較少，多一D會健康D。
熱咖啡 + 熱奶茶咖啡味好香濃，上檯時仲係好熱架，非常滿足。
飲飲下餐茶，發覺好似差梗D野咁，2個女生都好想食甜品，見到餐牌可以揀+$15 加個雪榚或者+$28 要心太軟，最後我地2個都揀左心太軟。
心太軟:朱古力心太軟等候需時，大約15-20分鐘左右啦，上檯時仲係熱辣辣，切開後D朱古力漿流晒出黎，旁邊仲配有cream同埋水蜜桃，真係好好味好吸引，不過相信大部分女生同怕肥，如果D cream同水蜜桃可以分開放，咁就更加好啦。
最後埋單每人$150有找，有齊餐湯，餐包，主菜，餐飲同甜品，真係算唔錯。
張貼
