海安咖啡室 (已結業)

因位置方便經常路經海安咖啡室，間唔時都會去。 門口呀姐經常亂嚟，迫你不停探熱。起佢面前探完熱會叫你再探。餐廳裝修懷舊，除此之外，無特別。食物偏貴，早餐>$40 一個，跟餐加蛋撻要加$9。 沙嗲牛肉麵$45 無嘢飲。食物味道一般。凍奶茶 好多淡奶 無茶味。蛋治，有時比厚方包，又試過比薄方包。塊包通常都隔夜，硬硬地。2個人坐一邊卡位，同人撘緊枱。見有2張空枱，起身調枱之時門口呀姐大叫「叫左嘢食唔準調枱」，即刻全餐廳既人望住。 鋪頭卡位單邊根本坐唔到2個大人，半張枱又放唔到2個餐，有位都唔比人坐，仲要比人鬧。由入餐廳到叫完嘢食不停比員工呼喝。 落完單 要睇清楚個價錢 出錯率都幾高唔會再去