緣味小聚 (金百利廣場) (已結業)

今日同朋友一齊嚟食每位$268嘅海鮮蒸氣鍋餐，除咗海鮮仲有八寶飯，蔬菜同點心任叫。首先店員會奉上每人一盅蟲草花燉雞湯，湯頭夠清且甜，冇味精味。 海鮮夠新鮮，其中鮑魚同蟶子都大大隻，好鮮甜又爽口。另外八寶飯有驚喜，有好多樣餸可以揀，當鍋飯上枱時，聞到好香，而且啲飯係一粒粒的，應該係原煲蒸的，我揀的其中一樣餸係銀魚仔，我覺得令煲飯特別惹味，其實最後已經好飽但都叫咗幾樣點心，因為想試下🤣味道係正常，冇咩特別。