Sky726

我係依間餐廳認識我女朋友，所以每次週年紀念都會黎依間餐廳食晚飯。食物水平高，尤其係牛扒真係一流。環境好，樓層高，燈光浪漫。另外老闆都好有心！不單止會介紹menu，上菜後都有主動同我地影相，亦有自帶燈光同道具，好專業😂另外有一個特別感動位在於，我只是訂檯時講過兩週年紀念。老闆就係飯後甜品好用心咁用朱古力醬寫左Happy Anniversary。我好少寫食評，但係食左咁多次我都好滿意所以決定要寫翻次。未食過的朋友們真係可以黎試下。