咖啡灣 (荃灣千色匯) (已結業)

今日入荃灣影相，做完嘢就同個Partner去食飯，沿途好多餐廳，但又想坐得舒服啲，最後我哋揀咗食咖啡灣。間餐廳裝修好夢幻好童話，而且地方都幾寬敞。我哋揀咗限量嘅海膽黑松露蟹蓋飯share食，個飯用龍蝦汁燴，而且都有頗多龍蝦肉，飯質地有啲似意大利飯，但又未去到好似意大利飯咁黏咁淋嘅質地，海膽幾鮮甜，不過黑松露可以再濃啲，整體幾好味，但又啦會太膩，兩個人食一碟剛剛好。飲品我就飲玫瑰青提梳打，味道清新，中和返碟飯嘅濃味，而且仲有青提肉可以食。我朋友就飲藍橙蘋果，我覺得似奶咀糖味，不過唔會太甜。環境好relax，喺度坐咗幾個鐘先走。