御品·千之味 (大全街) (已結業)

首先講下d壽司先 個樣睇落就靚靚仔仔既 但d紫菜就淋既，塊三文魚腩完全睇得出師傅既刀功！薄切得又幾通透🧐北海道海膽軍艦個海膽係無味既😀其他壽司係極之普通！完全對唔住個價錢😭食爭鮮都無咁sad😭😭 好啦咁就試下個軟殼蟹手卷，好彩都仲係熱既！雖然塊紫菜又係放左十世淋哂！但係呢個軟殼蟹又夠熱喎，令我又重拾返少少信心☺️我每次食日本野都中意嗌清酒煮蜆🤣呢道菜真係好難煮得難食，只要你d蜆夠新鮮又無沙咁就成功左一半😏佢呢個蜆除左細粒左d之外，整體都係正常發揮既😎 個天婦羅同串燒都叫正正常常既，對比起其他食物叫好味囉個黑松露三文魚炒飯上面個舊黑松露都幾香！撈哂成個飯都好夠味😁但個三文魚炒得過火得濟，好乾！最後重頭戲！我專登留到最尾先講！明明餐牌寫住半熟牛扒 點解黎到會變左過熟牛肉🌚真係嬲死我囉！又乾又鞋食唔落口