Miso (已結業)

中環打工仔放lunch真係好痛苦，度度都好多人，排哂長龍。多數都係買外賣，但真係好唔環保。要喺lunch time搵D唔洗排隊都食倒嘅餐廳除左訂位，只可以去D比較貴嘅餐廳。呢日老闆請食飯，黎左Miso。之前黎過幾次，多數眼見餐廳都好多人，但總會有兩三張吉枱。D野大至都好食，只係價錢偏高。呢度D野食真係幾貴，食個lunch set都要二百幾蚊。唔想食咁貴就散叫啦，不過都大部份都過$150。我叫左呢個饅魚飯，$165。食落唔錯，燒得幾香，都幾新鮮。魚骨唔多，魚肉幾嫰同唔會太厚，口感唔錯。不過除左D燒汁就咩配料都冇，感覺dry dry地。而且食完後口乾左好耐，感該幾重手下。總括黎講，黎過幾次都係覺得呢度性價比唔算太高。