影片
更多
2022-05-21
1221 瀏覽
今日我生日，專登陪我個朋友去飲茶ಠ_ಠ 其實我哋之前都已經試過呢間粵，覺得都幾好，所以今次諗住可以再嚟encore。 講真，佢哋食物質素係不容置疑嘅，每一樣嘢我都覺得好食。 我哋嗌咗原隻鮮蝦腸粉（$68）、沙嗲金錢肚($48)、京滬小籠包($58)、香芋天鵝酥($78)，同埋一個羊肚菌花膠灌湯餃($88)！ 蝦腸真係好抵讚，佢啲皮好滑，裏面啲蝦好新鮮好大隻，完全係淡淡蝦香，又爽！ 金錢肚我略嫌份量偏小，有少少太辣，但係個味道都調校得好好。 小籠包隻隻都好多汁，而且係熱辣辣咁上枱，肉香而不膩。 灌湯餃嘅湯唔係高湯嚟，但係佢個味都好清新，餡料唔多，但係啱我心水。 而佢嘅香芋酥，我覺得外型吸引，好啱小朋友😂我朋友話略嫌有少少淡，但我覺得還好。其實呢個香芋酥係最遲先上枱，但係佢唔係熱辣辣㗎，只係暖暖地嘅啫，不過我覺得可以接受。 不過我覺得啲嘢食點好味都好，佢哋嘅態度Service係會影響一切，有待改善！ 首先一入到去，有一個男嘅高級侍應帶我哋入去坐低，環境其實好寬敞，但冷氣微弱，非常之不足。 唔緊要，唔緊要，心諗心靜自然涼😂於是乎我哋就嗌咗上面嘅點心。 上咗四個點心之後，帶我哋入嚟嘅高級男侍
其實我哋之前都已經試過呢間粵，覺得都幾好，所以今次諗住可以再嚟encore。
講真，佢哋食物質素係不容置疑嘅，每一樣嘢我都覺得好食。
我哋嗌咗
原隻鮮蝦腸粉（$68）、沙嗲金錢肚($48)、京滬小籠包($58)、香芋天鵝酥($78)，同埋一個羊肚菌花膠灌湯餃($88)！
蝦腸真係好抵讚，佢啲皮好滑，裏面啲蝦好新鮮好大隻，完全係淡淡蝦香，又爽！
金錢肚我略嫌份量偏小，有少少太辣，但係個味道都調校得好好。
小籠包隻隻都好多汁，而且係熱辣辣咁上枱，肉香而不膩。
灌湯餃嘅湯唔係高湯嚟，但係佢個味都好清新，餡料唔多，但係啱我心水。
而佢嘅香芋酥，我覺得外型吸引，好啱小朋友😂我朋友話略嫌有少少淡，但我覺得還好。其實呢個香芋酥係最遲先上枱，但係佢唔係熱辣辣㗎，只係暖暖地嘅啫，不過我覺得可以接受。
不過我覺得啲嘢食點好味都好，佢哋嘅態度Service係會影響一切，有待改善！
首先一入到去，有一個男嘅高級侍應帶我哋入去坐低，環境其實好寬敞，但冷氣微弱，非常之不足。
唔緊要，唔緊要，心諗心靜自然涼😂於是乎我哋就嗌咗上面嘅點心。
上咗四個點心之後，帶我哋入嚟嘅高級男侍應就同我哋講要last order了，問我哋仲有冇嘢要加。我哋當下心裏好奇怪，心諗食點心都last order嘅？咁快準備下一輪嘅茶客？不過點解我哋訂枱嘅時候冇人同我哋講可以食幾耐，亦冇提及過有任何時限 ？
食完大約我哋只係用咗45分鐘(我哋訂十一點，十一點準時入座)，十一點四十五分，頭先嗰個高級男侍應就轉身擺低咗張單，講咗一句「埋一埋張單」就走咗，冇俾我哋反應嘅機會。
我真係未試過去茶樓飲茶或者高級酒店飲茶，只係得45分鐘？
首先，book枱嘅時候冇講有時限。
第二，帶我哋入嚟嘅時候都冇講。
第三，我哋未話埋單，就拎咗張單過嚟，叫我哋埋一埋佢。
結果，我朋友就同個經理反映(個經理之前企咗喺度同隔離張枱個男人起碼傾咗10分鐘，我哋個茶壺冇晒水揮手佢都冇理到)，個經理完全唔識得反應，啞口無言！我哋問佢有冇時限，佢冇出聲，淨係話我哋可以再坐(如果想嘅話)。我哋直頭話佢哋間嘢衰過啲茶餐廳，而且如果佢哋係有時限嘅應該作出明確嘅指引。同個經理講咗3分鐘之後我哋就埋單，點知之前帶我哋入嚟嘅高級男侍應就硬生生咁走出嚟認罪(好明顯係個經理叫佢過嚟)！
個侍應竟然同我哋講話應該係佢自己搞錯咗(梗係佢自己搞錯啦，唔通係我哋搞錯咩)，佢以為我哋係冇book枱walk-in攝時間入嚟食一餐嗰啲客！
其實呢個真係一個奇怪嘅藉口，首先係佢check reception嘅booking帶我哋入嚟，而且如果我哋係冇booking攝時間入嚟食嗰啲客，佢都應該要同我哋講得45分鐘嘅用餐時間。但佢由始至終都冇講過一句，根本就係講大話🤥！呢個根本就唔係誤會，係佢intention要我哋食完即走，因為外面有人等緊位。
真係未試過諗住舒舒服服飲個茶(茶位$25@每人)，但四十五分鐘就要趕人走！杯茶都未飲完🥺
完，呢間嘢下不為例！
張貼
