漁屋日本料理 (荃新天地2) (已結業)

第一次review獻比呢間...今日嚟本身想叫Set B,但佢竟然話無「蝦蟹粥」同埋「花菇花膠皇」，仲主動話換成牛肉鍋同set A都有嘅蟹皇翅🌚 咁就緊係改番做Set A...🍽食物：其實質素係ok 無咩野彈，可以係下面嗰兩樣令我感覺好差，overall rating高唔到。👅味道：樣樣都普通，個飯都無咩特別，但個「牛肉卷」同「炒野菜」好鹹，講完。😂 😩貌相：正正常常嘅唔講，但一開始個碟「蟹皇翅」係嚇親我... 個貌相同街邊食碗仔翅無分別，個container仲要甩埋色😟 另一樣係舊壽司包到好醜，有紫菜就睇到佢啲功力，仲要塊紫菜係lum曬唔脆。🤢服務：好精彩嘅服務，終於明白點解唔加一，係有原因㗎... 上完食物都未有餐具，當舉手叫Waitress個陣望咗幾次當見唔到，直接同番嗰個waitress攞對筷子個陣，佢話：「一陣先 我要帶客」，但明明我身後係門口一個客都無🙂。佢就話：「咁我依家攞比你」，偷懶我明白但講個虛構嘅藉口我真係呆咗😂。其實坐係走廊位但每次舉手都比人無視好耐先有人嚟，仲有啲不愉快但算啦我都廢事打🥱。總括嚟講，食物中等，可以一試但唔會回頭，就算回頭都唔會嚟荃灣呢間。父親節打