甜椰椰 (已結業)

住喺沙田圍附近幾年，已經成日去幫襯，平日通常食窩夫，心太軟同椰皇，全部都好好味，尤其楊枝甘露椰皇（下次有機會補返張相）但今日啱啱食完飯比較飽，所以最後決定只叫咗個香蕉船，食物方面，雪糕始終係攞貨返嚟，所以叫做不過不失，勝在多味道選擇，好似有七定八款。但係今日我要讚嘅係佢哋嘅服務，今日可能星期日，人客比較多，我晚上10點幾去到要排隊，我一個人，預計應該唔使排好耐所以照排。大約2分鐘到就有個姐姐安排我坐一張二人枱，雖然佢哋忙到甩轆，但依然細心講解邊啲嘢食冇貨邊啲好食，仲慢慢話俾我聽有咩雪糕口味選擇，（我個人比較麻煩,諗口味都諗左勁耐🤣)，最後大約5分鐘就有得食，雖然可能大家覺得香蕉船好易整，但其實當時真係好多單，如果我係呢度嘅員工，我相信我黑左面好耐啦！