Nardo's Cafe (已結業)

又到每月一飯聚嘅時間，根據過往嘅經驗，想喺鬧市入面搵間環境好些少、闊落少少嘅餐廳係一件難過登天嘅事，我地幾個中同想搵間坐得舒服啲嘅餐廳，志在吹水都可以吹耐啲；於是喺Openrice見到呢間風評唔錯嘅樓上Cafe。我地一早book左枱，所以唔使等位，一上到去已經覺得環境唔錯，地方闊落、唔太嘈吵，我地有幸獲安排入一間大房坐，間大房本身有2邊，但好好彩嘅係，另一邊無人book，所以全晚都係得我地呢枱人獨享間大房，可以大大聲暢聊古今都唔怕嘈到人~食物方面，我地每人嗌左一碟主食，再一齊嗌左一碟海鮮拼盤。我就嗌左芝士忌廉雞肉闊條麵(見圖)，賣相靚，但食落完全唔係果回事，佢個味道非常淡，無咩芝士同忌廉嘅味，份量雖然好多，但個味道真係令我卻步......至於海鮮拼盤全部都係炸物，有炸蝦炸魚等等，味道好過主食好多~~呢間Cafe仲有好多boardgame可以借嚟玩，喺舒適嘅環境之下同朋友傾下計、玩下遊戲，真係幾chur嫁！所以撇除食物質素，其他方面都算高質，整體而言值得推薦嘅！