Chop Chop 食神叉燒 (宏安道) (已結業)

返工日既lunch完全唔使旨意入到去食，但今日入到去啦！計過2人餐好似抵d,,所以就點左!2人餐($198)包雙拼燒味、一個小菜、一碟油菜、兩碗飯同埋餐湯/飲品!我地選左油雞同招牌叉燒、豆腐燒腩、菜心配湯!油雞雞肉超滑，叉燒因為係腩叉，所以肥d ，味冇正常叉咁濃郁!下次要試玫瑰叉先得，應該更好味!菜好大碗，而且條條都好粗壯好靚嫁!個盤寫住黯然銷魂飯~即刻諗起周星馳既食神😂😂點解食豆腐燒腩係因為本身雙拼都想食燒腩仔!腩仔雖然俾d汁浸住搞到皮唔夠脆，但都好好味!豆腐都當然係滑啦！佢有3隻汁，頭個隻鹵水加豉油汁甜甜地!蠔油同薑蓉都好好味呀！感覺用料都高質!我幾鍾意佢係新式裝修好潮，但又食d好地道既燒味，竟然有d遊客會特登過黎食!店員都好細心會俾多隻碟擺骨!