牛More石燒專門店 (已結業)

最近元朗開左間專食牛既餐廳，食肉獸既我當然要去試一試。一入到門口好日式既感覺，自助點餐非常方便，八達通信用卡俾錢都得。餐廳位置唔算多，但每個人既位置都好夠。每一份餐既湯，飯同沙律都係自助式既，仲要係任食，食幾多拎幾多唔好浪費。沙律既菜好新鮮，所以香甜可口，加上日式芝麻醬好開胃，我都食左2碗。而湯都係用牛肉去煮既，加咗啲洋蔥紅蘿蔔，好濃味好香！牛呢我就點左一份牛小排加鵝肝同一份肉眼，牛小排比較有牛香，肥肉唔多，加上牛肉汁一齊食，令人停唔到口。而肉眼男士一定好喜歡，大大份，肥瘦適中，牛既油香十足，超級有滿足感！