肉餅哥小炒料理 (已結業)

無聊揾下野食，見到肉餅哥，覺得個名幾得意，就click入去睇，見到好多款唔同口味嘅肉餅，就勁想去試下（ps：我都係好鍾意食肉），即刻call埋fd一起覓食見到好多都好吸引，例如流心芝士肉餅等，最後我就叫咗金沙蛋黃煎肉餅（佢可以揀煎或蒸）而我個fd就揀咗老乾媽豆豉蒸肉餅，我地兩個都揀菜飯，最後仲加咗炸雞髀同埋6粒芝士波波（我地真係好大食）我地真係好鍾意食肉餅，黎緊會再試試其他款式嘅肉餅。金沙蛋黃煎肉餅個面有超多金黃色嘅鹹蛋係個面度，而且塊肉餅都好大塊，一試，個鹹蛋味好濃，同本身肉餅個味好夾，唔會太鹹剛剛好。老乾媽豆豉蒸肉餅就相比前者清淡，隻老乾媽醬味道幾香，有d似淡味嘅XO醬，送飯一流而芝士波波就不過不失，有芝士味但係冇做到拉絲嘅效果而炸髀不得不説真係超級超級大隻，本身我地諗住一人一隻好彩店員提醒，因爲個size真係好大，建議2~3人share一隻。我地食得出有沙薑味同埋似臺灣鹽酥鷄排嘅感覺，唔錯幾好食。