影片
更多
2018-09-09
285 瀏覽
每逢月頭都想食一餐豐富嘅以獎勵自己～對之前係日本食嘅燒和牛念念不忘，所以決定搵一間日式燒肉試下～九龍區嘅日式燒肉選擇唔算多，搵到呢間係佐敦算係後街嘅位置，但並唔難搵。雖然店面唔大，不過坐位好闊落。平日晚巿都滿座，所以好在有訂定位咋～除左平時嘅餐牌之外，牆上都掛左塊黑板有啲限定推介，無乜心水嘅食客不妨枱頭望一下。食肉之前來一點小清新，胡麻醬沙律是必須的～上面的豆腐好滑好香豆味～另一款前菜揀左推介嘅磯燒鮑魚，鮑魚嘅肉質鮮嫩彈牙，唔會煮得火候。另外味道都調配得好好，清清地卻帶有陣陣嘅醬汁同昆布味。牛小排嘅油脂分佈好平均，口感豐富細緻，感覺到油分係口入面溶掉～就算咩汁醬都唔沾都無問題～而牛魔王又點會淨係滿足於一款牛肉呢～ 牛角切同牛小排嘅口感完全唔同，牛角切口感扎實，有滿滿嘅肉汁～雞腿肉雖然睇落無咩特別，但係都有驚喜～肉質嫩滑，燒完都唔會老，仲好有雞味～腩肉唔會太肥，加埋鹽燒感覺冇咁油膩～食左咁多肉又點少一碟菜～雖然睇落簡單，但醬汁調配得好好，仲有少少甜甜地添～海膽炒飯係一個好吸引又好危險嘅選擇，因為海膽一唔新鮮就會變臭，所以只有好或者壞，唔會有普通。但呢一碟係好！好！食！成碟飯都好鮮甜，飯底
九龍區嘅日式燒肉選擇唔算多，搵到呢間係佐敦算係後街嘅位置，但並唔難搵。雖然店面唔大，不過坐位好闊落。平日晚巿都滿座，所以好在有訂定位咋～
除左平時嘅餐牌之外，牆上都掛左塊黑板有啲限定推介，無乜心水嘅食客不妨枱頭望一下。
日本安曇野豆腐沙律
$62
10 瀏覽
0 讚好
0 留言
食肉之前來一點小清新，胡麻醬沙律是必須的～上面的豆腐好滑好香豆味～
磯煮鮑魚
$98
34 瀏覽
0 讚好
0 留言
另一款前菜揀左推介嘅磯燒鮑魚，鮑魚嘅肉質鮮嫩彈牙，唔會煮得火候。另外味道都調配得好好，清清地卻帶有陣陣嘅醬汁同昆布味。
美國Prime牛小排
$138
37 瀏覽
0 讚好
0 留言
牛小排嘅油脂分佈好平均，口感豐富細緻，感覺到油分係口入面溶掉～就算咩汁醬都唔沾都無問題～
美國Prime牛角切
$168
17 瀏覽
0 讚好
0 留言
而牛魔王又點會淨係滿足於一款牛肉呢～ 牛角切同牛小排嘅口感完全唔同，牛角切口感扎實，有滿滿嘅肉汁～
阿波尾雞腿肉
$84
29 瀏覽
0 讚好
0 留言
雞腿肉雖然睇落無咩特別，但係都有驚喜～肉質嫩滑，燒完都唔會老，仲好有雞味～
豚腩肉鹽燒
$80
32 瀏覽
0 讚好
0 留言
腩肉唔會太肥，加埋鹽燒感覺冇咁油膩～
牛油炒雜菜
$52
51 瀏覽
0 讚好
0 留言
食左咁多肉又點少一碟菜～雖然睇落簡單，但醬汁調配得好好，仲有少少甜甜地添～
海膽炒飯
$108
26 瀏覽
0 讚好
0 留言
海膽炒飯係一個好吸引又好危險嘅選擇，因為海膽一唔新鮮就會變臭，所以只有好或者壞，唔會有普通。但呢一碟係好！好！食！成碟飯都好鮮甜，飯底炒得好乾身，粒粒分明～
和匠海神稻庭手打烏冬 地獄湯底
$101
26 瀏覽
0 讚好
0 留言
最後雖然好飽，但見到地獄湯三個字就忍唔住叫左黎試下。地獄湯辣歸辣，入面有好多海鮮，所以有啲鮮甜味～推介啊～
一千蚊兩個人食到優質嘅燒肉同主食，值啦！
張貼
