影片
更多
2018-10-24
4684 瀏覽
熊大今日可以返晏啲，熊大熊妹可以食埋晏🥢跟住一齊返工，好開心啊！熊妹一直都知道《Eat Me Bar & Restaurant 》食晏好抵㗎，但一直都冇咩機會可以出街食晏🍴，今日終於可以一嘗《Eat Me》嘅午餐啦🥣！卡肥又無啦啦話可以返晏D，但又死賴床唔起身，熊大熊妹唔理佢去攞位先。《Eat Me》11點🕚開，熊大熊妹11點半🕦嚟到，都已經有四成枱坐滿客👫👭，熊大熊妹就即刻揾位坐定定啦。熊妹其實今次係第三次啦，就係知道《Eat Me》好抵食所以今次帶埋熊大卡肥黎幫襯。好特別，每星期有唔同餐牌📋，可以每次黎都食唔同野。午餐一般$55-$65，有得揀据扒🥩，意粉🍝，漢堡🍔，薄餅🥪，仲包埋餐湯餐包🍵同餐飲🍹，一點前🕐埋單仲要有八折💸，香港地仲有邊度有得揾啊。意式手工多士條餐包係一片多士條🥖，熊妹認為硬左啲，熊大覺得浸浸湯食還可以，食埋熊妹個條。忌廉南瓜湯幾好味喎，有粒粒南瓜蓉🎃，湯質地濃稠，熊大熊妹都好喜歡。所以話驚喜永遠都係冇期待嘅時候先會出現。慢煮紐西蘭牛扒配意粉，$65熊大又要食牛又要食意粉，熊妹揀呢個比熊大就啱晒。店員唔會問牛要幾成熟架，所以黎度係全熟🈵，牛扒🥩都算大塊，無乜根，無
熊妹一直都知道《Eat Me Bar & Restaurant 》食晏好抵㗎，但一直都冇咩機會可以出街食晏🍴，今日終於可以一嘗《Eat Me》嘅午餐啦🥣！卡肥又無啦啦話可以返晏D，但又死賴床唔起身，熊大熊妹唔理佢去攞位先。
《Eat Me》11點🕚開，熊大熊妹11點半🕦嚟到，都已經有四成枱坐滿客👫👭，熊大熊妹就即刻揾位坐定定啦。
熊妹其實今次係第三次啦，就係知道《Eat Me》好抵食所以今次帶埋熊大卡肥黎幫襯。好特別，每星期有唔同餐牌📋，可以每次黎都食唔同野。午餐一般$55-$65，有得揀据扒🥩，意粉🍝，漢堡🍔，薄餅🥪，仲包埋餐湯餐包🍵同餐飲🍹，一點前🕐埋單仲要有八折💸，香港地仲有邊度有得揾啊。
餐湯與湯包
51 瀏覽
0 讚好
0 留言
餐包係一片多士條🥖，熊妹認為硬左啲，熊大覺得浸浸湯食還可以，食埋熊妹個條。
忌廉南瓜湯
幾好味喎，有粒粒南瓜蓉🎃，湯質地濃稠，熊大熊妹都好喜歡。
所以話驚喜永遠都係冇期待嘅時候先會出現。
慢煮紐西蘭牛扒配意粉
$65
50 瀏覽
0 讚好
0 留言
熊大又要食牛又要食意粉，熊妹揀呢個比熊大就啱晒。店員唔會問牛要幾成熟架，所以黎度係全熟🈵，牛扒🥩都算大塊，無乜根，無乜肥膏，全熟就冇血水💉，不過韌咗啲，熊大麻麻哋喜歡。
意粉🍝份量唔係好多，煮得比較淋，一啲味都冇，熊大要加茄汁🥫先可以食到。
伴菜都有啲翠玉瓜🥒同埋菇🍄，不過油咗少少，俾熊妹偷食咗唔少。
菠蘿煙肉安格斯牛肉蛋黃醬手工芝麻漢堡配薯條
$49
48 瀏覽
0 讚好
0 留言
菠蘿煙肉安格斯牛肉蛋黃醬手工芝麻漢堡配薯條，$59
熊妹一心黎淨係想食漢堡，漢堡有牛肉🐮或者豬手🐷兩款，熊大話漢堡包🍔緊係要食牛㗎喇。
都等左好耐先送到，店員話漢堡包要整耐啲。
賣相都幾好，漢堡包好大個，仲有一籃薯條🍿。呢個漢堡包真係有齊晒個名的所有材料。牛肉漢堡扒🥩都厚一塊，味道幾好，連埋一片酸酸甜甜的罐頭菠蘿片🍍，仲有啲蛋黃醬🥚，一片芝士🧀同兩片煙肉🥓，成個漢堡包🍔啲材料真係幾豐富，熊妹食唔哂，要卡肥同熊大幫手食。
薯條🍟份量都幾多下，炸得幾香脆，有落啲調味粉，最後卡肥同熊大清晒。
溫泉蛋照燒肥牛鰻魚汁飯
$47
47 瀏覽
1 讚好
0 留言
卡肥賴床遲啲嚟，精明的熊妹一早幫卡肥叫定個餐，等卡肥一嚟就有得食。
熊妹見有意粉有漢堡咁就叫個飯喇🍛。
因為有鰻魚汁調味，肥牛係白恰既。份量都幾多，不過有幾片肥牛有小小地方係生嘅，未恰得熟，熊妹話想要求換架🔃， 卡肥話唔緊要，當生牛肉食囉。有研究營養學嘅熊妹知道，生牛肉🐂真係唔食得架，有好多細菌㗎👾。
溫泉蛋🥚都做到流心效果，還可以。
伴菜🥗都係同熊大意粉嗰啲菜一樣，即係有翠玉瓜🥒同菇🍄。
飯🍚黎講卡肥話廣義係珍珠米，狹義就唔係喇，食落似係仿珍珠米咁。
呢個飯真係冇乜嘢可取，志在夠平同飽肚。
EAT ME精選特調咖啡
101 瀏覽
0 讚好
0 留言
熊妹黎過幾次，知道呢度啲飲品🥂差少少，所以都唔特別試D特飲，揀返最普通咖啡☕️算啦。
不意外，一嚿嚿咖啡奶泡🍼係面頭，咖啡味淡淡地，唔講唔知飲緊咖啡。
焦糖咖啡
$10
72 瀏覽
0 讚好
0 留言
熊大唔聽熊妹意見，點都想試吓佢啲特飲，喜歡甜野嘅熊大就揀咗焦糖咖啡。
就係同熊妹個杯普通咖啡差唔多冇乜咖啡味而面頭多咗少少焦糖醬🍯。
其實食品質素同茶餐廳差唔多，只不過地點、餐廳環境同裝修比茶餐廳高級少少，坐得舒服啲，成件事變相好似抵食啲咁💰。
張貼
