雲川 米線．紅薯粉 (富麗大廈)

營業中

休息中

自從朋友帶過我食第一次之後，真係番唔到轉頭...本身唔係特別鍾意食米線，因為我既唔食辣都唔食酸，永遠都只會食小鍋米線😂 雲川燒既豬骨湯小鍋米線真係令我上左癮...首先佢既湯底(無論豬骨湯定鮮魚湯)都好濃郁，我食得到係無味精‼️ 因為我對味精係超級敏感，輕則口渴重則失眠 T.T 所以如果有味精我一定會有反應!! 除左湯底出色之外，佢既豬頸肉都係重點!!! 切到一條條既豬頸肉好爽口之餘，茶上蜜糖烤焗，味道一流，份量都算多，係我每次必點既餸黎!!! 香茅豬扒都唔錯，不過上次食就乾左啲，其他配料都屬正常水平，真係為左豬頸肉幫襯左10次8次🐷