翡翠江南 (已結業)

之前食過同集團既翡翠拉麵小籠包，聽講呢個係高級版，所以就黎試下。一坐低就有茶飲，同翡翠拉麵小籠包一樣，個茶係幾好飲嘅。【秘製酒糟蛋】個賣相幾精致，聞落有好香既酒味，食落酒味又無聞落咁濃，香甜得黎帶有淡淡既酒香，而且隻蛋整得好溏心好嫩滑，令人回味無窮。【黄金蝦球】好明顯係預先整定，因爲黎到已經唔熱唔脆。外表鹹蛋黃味道好重，食兩啖已覺得滯，蛋黃既味道，完全掩蓋蝦原本既鮮味。鐘意咸蛋黃既會覺得ＯＫ嘅。【瑤柱金勾五谷炒飯】好少瑤柱，基本上係見唔到有瑤柱既存在。但係炒得幾好，粒粒分明。總括而言，除左酒糟蛋比較驚艷外，其他都比較普通。可能果日狀態不佳吧。個人覺得同集團既拉麵小籠包更好食，而且價錢仲平d。