影片
更多
2021-01-24
187 瀏覽
今次係第一次喺OpenRice呢度寫食評 希望可以同多啲人分享好食嘅嘢野今次唔係寫啲咩高級餐廳我係寫一間平民化但係有特色嘅餐廳唔知幾時開始好難再喺旺角搵到好嘢食亦都好難喺深水埗搵到平又好食嘅嘢食自從有一次我貪得意跟住地圖行過去大角咀就發現原來大角咀都有好多特色又便又好食嘅餐廳可能嗰邊交通唔算係好方便啲租金比起地鐵沿線其他地方平成本減低 食物質素都高啲今次要介紹嘅就係喺大角咀利澳坊附近嘅 幸福海南雞到目前為止 我已經食咗兩次啦所以我絕對有資格寫呢個食評我住喺石硤尾 如果佢近我屋企多啲嘅話 我都想多啲幫襯 或者你哋話可能可以叫外賣呢間舖頭係有嘅 但係由於我屋企太遠啦 應該都送唔到同埋就算間餐廳嘅質素好好都好啦外賣始終冇咁好食 送到過嚟都凍哂 翻叮又唔好食同埋因為外賣盒問題份量點都有啲唔同 價錢又貴啲所以呢都係要出去食好啲講返間餐廳先 一入去整體個感覺都好舒服嘅牆身油左粉黃色 再配以幾個招牌菜嘅燈牌咁樣講可能誇張咗少少 但係又真係有少少溫暖同埋想食嘢嘅感覺同埋感覺間餐廳好乾淨好企理你話餐廳嘅設計有幾緊要話明幸福海南雞 海南雞就梗係招牌菜啦其實無骨嘅海南雞飯真係好緊要我話俾你聽 我好鍾意食海南
今次係第一次喺OpenRice呢度寫食評 希望可以同多啲人分享好食嘅嘢野
今次唔係寫啲咩高級餐廳
我係寫一間平民化但係有特色嘅餐廳
唔知幾時開始好難再喺旺角搵到好嘢食
亦都好難喺深水埗搵到平又好食嘅嘢食
自從有一次我貪得意跟住地圖行過去大角咀
就發現原來大角咀都有好多特色又便又好食嘅餐廳
可能嗰邊交通唔算係好方便
啲租金比起地鐵沿線其他地方平
成本減低 食物質素都高啲
今次要介紹嘅就係喺大角咀利澳坊附近嘅 幸福海南雞
到目前為止 我已經食咗兩次啦
所以我絕對有資格寫呢個食評
我住喺石硤尾 如果佢近我屋企多啲嘅話 我都想多啲幫襯
或者你哋話可能可以叫外賣
呢間舖頭係有嘅 但係由於我屋企太遠啦 應該都送唔到
同埋就算間餐廳嘅質素好好都好啦外賣始終冇咁好食 送到過嚟都凍哂 翻叮又唔好食
同埋因為外賣盒問題份量點都有啲唔同 價錢又貴啲所以呢都係要出去食好啲
講返間餐廳先 一入去整體個感覺都好舒服嘅
牆身油左粉黃色 再配以幾個招牌菜嘅燈牌
咁樣講可能誇張咗少少 但係又真係有少少溫暖同埋想食嘢嘅感覺
同埋感覺間餐廳好乾淨好企理
你話餐廳嘅設計有幾緊要
話明幸福海南雞 海南雞就梗係招牌菜啦
其實無骨嘅海南雞飯真係好緊要
我話俾你聽 我好鍾意食海南雞飯
越有泰國 新加坡風味 我越鍾意食
如果唔係冇骨嘅話 我相信10個人有8個人 都寧願食其他嘢 都唔食海南雞飯
好彩佢呢度嘅海南雞飯係無骨嘅 好好食👍🏻
講真雖然無骨真係好重要
但係我覺得好食嘅原因剩係得呢個
主要原因我係覺得佢嘅份量比出邊嘅多啦
同埋佢個又油飯係真係放咗心機落去
我問咗老闆 個油飯放左香茅同炸洋蔥落去
所以食起上嚟好香
同埋出邊嘅海南雞飯一般會跟一碗味精湯嘅
坦白講我就唔係咁鍾意啦
呢度係會跟一碗南瓜湯
嗰日老闆仲送多咗一碗唔知係乜嘢瓜嘅湯
兩碗湯都好好飲 冇味精 好似係屋企飲嘅味道
除咗海南雞 嗰日我仲忍唔住嗌左肉骨茶同埋呢一個無骨涼伴鳳爪
原來佢哋用咗成包藥材去煲個肉骨茶出嚟
係咪真嘅我就唔知道啦 但係真係香到一個點
同埋呀嗰個鳳爪啊 其實周圍都有
但係點解我覺得佢好食呢
係因為佢呢個同出邊嗰啲唔同
佢冇加到辣椒落去
我又唔食得辣
喺呢度食鳳爪 我就可以好好享受下食佢嘅樂趣
食完第二次 今次就寫咗呢一度啦
下一次再試新野又好食嘅話會再分享嘅
同埋有少少建議：
1.如果海南雞飯嗰三色醬可以多番啲啲就好啦
2.如果有PayMe同支付寶嘅話 咁就最好啦 又唔需要額外嘅成本 客人俾錢會方便啲 生意會多啲 WIN WIN!
無骨海南雞飯
9 瀏覽
0 讚好
0 留言
張貼
