阿爺燒鵝餐室 (已結業)

聽朋友講西灣河有間燒鵝好好食, 對於我呢個為食之人, 一聽到話有好食的嘢, 即刻都想去試下, 於是星期六的下午, 特登去了西灣河, 斬了半隻燒鵝拎返屋企,同家人並享.拎住燒鵝返屋企途中, 隔住個盒及膠袋已聞到陣陣燒鵝香, 真的是令人垂涎. 返到家中, 剛好熟飯, 大家齊齊座, 食燒鵝. 打開個盒, 香氣四溢, 好香的鵝肉味及一D香料的味道, 咬一啖, 哇, 脆脆的鵝皮在口中爆汁, 一股香濃的鵝汁滑入喉嚨, 脆皮底下是厚厚的鵝肉, 食落口相當有滿足感, 啖啖都是肉, 鵝肉鬆軟, 嚼兩嚼, 鵝肉的香味在口腔中徘徊, 真的超好味! 鵝肉好入味, 我不點醬汁都覺得好好味, 朋友真的無介紹錯, 這阿爺燒鵝餐室的燒鵝非常正斗!