影片
更多
2015-05-12
539 瀏覽
係香港零舍想食海鮮, 貪佢夠新鮮, 又多選擇講到食海鮮嘅地方都係三門仔, 鯉魚門, 西貢及香港仔海旁, 聽人講要識人先好去食, 如果唔係劏到你一頸血!! 不過嚟呢度就唔怕!八點半嚟到店長已經預留好枱比我哋 喺相嘅右手邊有另一邊廂, 可以拉上木門, 就成為私人空間, 空間一樣大, 適合家庭朋友公司聚會嚟包場! 打電話嚟book枱嘅時候, 會定好餐牌麻辣鹵水大拼盆 (5/5)有牛肚, 雞絲拌青瓜, 豬腸之前唔會食內臟, 都比屋企人笑我“咩都唔食點做食家呀!!” 今次就決心試下 牛肚豬腸嘅味道差不多, 醬油麻辣味濃, 煮得好淋, 雞絲有啲麻辣, 不過連埋青瓜辣味就唔算重! 好開胃嘅頭盤 蒜蓉粉絲蒸大蟶子皇 （5/5)為保持女神形象 , 應該用刀叉食, 因為肉質好厚身, 有個位差啲咬唔開, 不愧為蟶子皇, 粉絲放係底比你大大撮咁夾起, 好入味!!避風塘炒大肉蟹一隻 (5/5)可選特辣, 大辣, 中辣, 小辣未真正食過避風塘炒蟹, 因為有啲做到太濕, 唔似得呢個效果, 炒蒜好脆身, 睇到即刻想叫碗白飯, 蟹殼都沾滿辣味, 用鉗一下力就拆開, 簡單到好似出奇蛋一開就開到, 蟹鉗肉好juic
講到食海鮮嘅地方都係三門仔, 鯉魚門, 西貢及香港仔海旁, 聽人講要識人先好去食, 如果唔係劏到你一頸血!! 不過嚟呢度就唔怕!
八點半嚟到店長已經預留好枱比我哋 喺相嘅右手邊有另一邊廂, 可以拉上木門, 就成為私人空間, 空間一樣大, 適合家庭朋友公司聚會嚟包場!
打電話嚟book枱嘅時候, 會定好餐牌
麻辣鹵水大拼盆 (5/5)有牛肚, 雞絲拌青瓜, 豬腸
之前唔會食內臟, 都比屋企人笑我“咩都唔食點做食家呀!!” 今次就決心試下
牛肚豬腸嘅味道差不多, 醬油麻辣味濃, 煮得好淋, 雞絲有啲麻辣, 不過連埋青瓜辣味就唔算重! 好開胃嘅頭盤
蒜蓉粉絲蒸大蟶子皇 （5/5)為保持女神形象 , 應該用刀叉食, 因為肉質好厚身, 有個位差啲咬唔開, 不愧為蟶子皇, 粉絲放係底比你大大撮咁夾起, 好入味!!
避風塘炒大肉蟹一隻 (5/5)可選特辣, 大辣, 中辣, 小辣
未真正食過避風塘炒蟹, 因為有啲做到太濕, 唔似得呢個效果, 炒蒜好脆身, 睇到即刻想叫碗白飯, 蟹殼都沾滿辣味, 用鉗一下力就拆開, 簡單到好似出奇蛋一開就開到, 蟹鉗肉好juicy, 啖啖肉, 正!!
之後我打包咗啲炒蒜返屋企, 用嚟煮避風塘炒茄子, 或者簡單烘熱用嚟送飯都一流
避風塘炒大肉蟹一隻
38 瀏覽
0 讚好
0 留言
花雕雞油蛋白蒸大肉蟹
42 瀏覽
0 讚好
0 留言
花雕雞油蛋白蒸大肉蟹
46 瀏覽
0 讚好
0 留言
面頭嘅花雕雞油可以令蛋白蒸蛋唔會太老, 保存鮮味亦可以增加香氣, 肉蟹蒸得啱啱好, 蟹肉好多! 超滿足呀
花雕雞油蛋白蒸大肉蟹一隻
36 瀏覽
0 讚好
0 留言
花雕雞油蛋白蒸大肉蟹一隻
55 瀏覽
0 讚好
0 留言
花雕雞油蛋白蒸大肉蟹
30 瀏覽
0 讚好
0 留言
先將雞起骨再釀入蝦膠一併蒸熟, 感覺新鮮無雪味, 蝦膠亦做得好足料, 一啲都唔粉, 如果可以先去除多餘皮下脂肪, 平衡健康方面就更加好!!
江南百花雞半隻
51 瀏覽
0 讚好
0 留言
31 瀏覽
0 讚好
0 留言
用沙巴龍躉...wow聽個名都feel到個份量, 龍躉分別煮咗兩味, 先講黃金魚片, 用咸蛋黃加入粉漿再炸起, 粉漿薄食落零舍嫩滑, 咸蛋黃可以再重手啲, 可以令兩者差別更加大! 另外嘅用麵包糠酥炸, 口感更加脆, 食嘅時候會點隔離嘅沙律芥末醬, 都不錯
富貴金龍
67 瀏覽
0 讚好
0 留言
富貴金龍
61 瀏覽
0 讚好
0 留言
鮑魚咬落無比彈牙! 胡椒味好濃好暖胃, 但唔太惹味... 如果改用鐵鍋上, 收乾一啲醬汁同水份會更加好
白胡椒爆炒南非鮑魚
29 瀏覽
0 讚好
0 留言
白胡椒爆炒南非鮑魚
26 瀏覽
0 讚好
0 留言
咁啱我揀兩舊都係少肉多脂肪, 唔係我杯茶 醬汁好香士多啤梨味, 要趁熱食
士多啤梨骨
16 瀏覽
0 讚好
0 留言
上湯唔會太鹹, 最喜歡有原粒炸蒜頭, 令蔬菜特別惹味!!
上湯浸時菜
50 瀏覽
1 讚好
0 留言
首先用了珍珠米已經令口感截然不同, 配料唔多淨係用肉粒蔥花, 不搶秘制醬汁風頭, 無論鑊氣味道都十分好!!!!!!!
招牌御膳炒飯
53 瀏覽
1 讚好
0 留言
心思十足, 雀仔好似保護緊碗裏面嘅食物哈哈, 入面有菠蘿, 藍莓, 士多啤梨, 奇異果, 蜜瓜, 提子及布冧, 多到呢~應該無數漏 每樣都好新鮮夠熟好甜
菠蘿鳥
50 瀏覽
0 讚好
0 留言
菠蘿鳥
101 瀏覽
2 讚好
0 留言
餐廳以簡單私房菜裝修, 有種屋企感覺, 食物先重要, 真喺色香味俱全, 選料新鮮味道滿分, 每次同完呢班朋友食飯, 都比到好多意見我, 所謂三人行必有我師嘛! 向住明確嘅方向, 出發啦! 機會不會從天而降, 主動出擊爭取理想! 唔可以再懶惰啦~ 就好似呢間餐廳首次創業嘅廚師, 跳出框框唔駛跟人地嘅規矩, 有自己訂菜式餐單甚至餐廳各樣細節, 見到客人滿足, 當中成功感遠比任何東西
平均消費$500, 5個人, 9個餸+1個炒飯+1個巨型生果拼盤, 餐廳另有其他套餐價錢由$330起, 見其他食客嚟慶祝生日, 我哋都有份唱生日歌!!哈哈, 原來餐廳無收切餅費, 歡迎嚟慶祝生日!
御膳
星期二至日: 18:00-0:00 星期一休息(公眾假期除外)
觀塘敬業街65-67號敬運工業大廈12樓F室
Tel : 3575 9567,9029 1530 私房菜形式要book定枱呀!!
張貼
