sensory ZERO (瑞安中心) (已結業)

有一日同朋友去食午餐 有朋友推薦咗呢一間西餐嘅cafe 本身睇佢門面唔算太吸引同特別 諗住一般般入到去見到佢個menu幾得意 竟然有得話佢幫你諗埋食咩咁搞嘢 於是我叫嗰個 廚房就煮咗一個類似日式叉燒嘅飯 加一隻流心蛋 叉燒非常好食 佢唔會係好「鞋」口感好好 肉質都唔錯 而且佢配埋個飯嘅sauce同埋隻流心蛋係好perfect嘅一個組合 非常好食 之後食飽梗係要叫番一杯嘢飲 當日就唔想飲咖啡 於是叫咗一杯朱古力 朱古力都夠濃夠味 但係個拉花相對無咖啡咁吸引 但係都算係唔錯嘅choice 希望有機會再食呢間