影片
更多
2021-07-21
122 瀏覽
今日同朋友黎試下逸東酒店地庫嘅food court，揀左呢間越南菜，驟眼睇落呢間比較平靚正。跟手就叫左2碗面跟餐同一碟小食。首先叫左碗火車牛魔粉，食得越南野當然要食牛粉啦，呢個火車牛魔粉就啱哂啦，佢有齊生牛肉，牛腩，牛丸，牛筋片同牛柏葉。湯底唔算濃味但清甜，而且有牛骨味再加上大量葱花，味道唔錯。再加多少少錢有埋春卷，沙律同野飲。春卷好脆口，入面有好滿嘅素菜，呢個價錢食到算唔錯。另外仲有一碗濃湯雞絲粉，有淡淡嘅雞湯味，而且除左雞絲之外仲有鵪鶉蛋。整體感覺清香而不油膩。今次就加左米紙卷，但呢個爭少少啦，好彩有酸甜汁點住食，味道先唔會太寡。仲叫左香茅牛油雞翼，外層鬆脆而且充滿蒜香但如果雞翼可以再醃製更久，味道會更好。飲品兩杯，感覺不過不失，本來想試下椰青但咁啱賣哂，希望下次有機會試返啦。諗住食food court頹，點知都好豐富好大碗，有驚喜，值得再黎
首先叫左碗火車牛魔粉，食得越南野當然要食牛粉啦，呢個火車牛魔粉就啱哂啦，佢有齊生牛肉，牛腩，牛丸，牛筋片同牛柏葉。湯底唔算濃味但清甜，而且有牛骨味再加上大量葱花，味道唔錯。再加多少少錢有埋春卷，沙律同野飲。春卷好脆口，入面有好滿嘅素菜，呢個價錢食到算唔錯。
另外仲有一碗濃湯雞絲粉，有淡淡嘅雞湯味，而且除左雞絲之外仲有鵪鶉蛋。整體感覺清香而不油膩。今次就加左米紙卷，但呢個爭少少啦，好彩有酸甜汁點住食，味道先唔會太寡。
仲叫左香茅牛油雞翼，外層鬆脆而且充滿蒜香但如果雞翼可以再醃製更久，味道會更好。
飲品兩杯，感覺不過不失，本來想試下椰青但咁啱賣哂，希望下次有機會試返啦。
諗住食food court頹，點知都好豐富好大碗，有驚喜，值得再黎
張貼
