蓮香居 (已結業)

今日下晝又同同事們一齊到蓮香居食飯，因相比於蓮香樓，蓮香居近公司，同時地方寛敞，空調又OK唔會太凍或太熱，所以亦漸漸成為同事們嘅飯堂．點心Ｄ水準保持得好好，其他唔特別講，講吓Ｄ特別點心啦！ 鵪鶉燒賣 - 好少地方有得食嫁，味道okay，但要小心膽固醇高。雞大包－亦係好少地方見到，雞包大大個，好有懷舊feel ，食落去都好好味。Overall, good la，但今日未有機會試到腸粉、菠蘿奶皇包同燒味粉面．下次啦！ps 跟蓮香樓一樣，不同時段會有唔同點心出爐，若見唔到自己心水嘅點心，就要下次再試吓運氣啦，一切要隨緣!　同時越多人去就越好，因為可以食多好多款嘅點心嗎!