炑八韓烤 (已結業)

公司樓下新開咗間韓國燒烤「炑八韓烤」，小肥第一時間就孖住會計小姐一齊去試食 。為怕午飯時間多人要排隊，會計小姐十二點九就去咗攞位，好好彩地等咗五分鐘就有卡位坐，小肥一點過後到達時，門外已企滿人龍 。「炑八韓烤」同前身間中餐廳一樣兩層高，地下層間隔冇乜大轉變，只係樓上牆邊多咗兩行卡位，感覺地方冇咁淺窄。店舖新裝修較為暗淡，每張散枱頭頂都多咗部伸縮形抽油煙機。餐桌上o既鐡餐具水印多的是，又唔得新淨，似乎新店唔係咁講求衛生 。午市套餐全部都跟自選汽水一罐。桌上亦有提供青檸水給食客自行斟用。未點菜，黑面嬸嬸先送上兩碟免費小食泡菜及海帶。可能餐店新開張，午市過於繁忙，樓面伙計未夠熟練，故態度不甚友善有禮，令會計小姐極之不滿 ！用鐡碟上o既兩碟小食雖則唔係好吸引，但係味道卻又相當唔錯。泡菜少辣惹味，海帶醒胃得黎又唔會過酸，免費送贈，無可挑剔 。 蔥燒肥牛鐡板飯（$48）：食韓燒，我地二人都諗住叫牛肉最穩陣啦，點知肥牛又老又韌，食落仲滿口油，用鐡板上都唔夠熱，飯粒偏硬，失敗得可憐呀！ 韓風溫泉蛋肉醬鐡板飯（$48）：有隻迷你溫泉蛋喺面o既肉醬鐡板飯比肥牛飯有鑊氣得多，上枱時仲有煙出。肉