糖樓甜品 (已結業)

糖樓係美樂都做左好多年，但一路以黎都咁多人幫襯都知佢水準一直都keep到。近排去食完都仲係保持到水準。個人黎講去親都會叫焦糖燉蛋食，今次都唔例外，另外再叫多左個芝士薯條。先講下服務，服務不嬲都唔係主打既地方，咁多人食都係快快手落單為重點，所以第一次去食既話可能會覺得唔係幾好，但去多幾次就會慣。焦糖燉蛋上面夠脆夠甜，個人黎講超中意食，下邊個蛋好creamy食落好正，唔敢講係咪正宗要有既口感但個人喜好黎講就絕對一流。芝士薯條熱辣辣又夠脆，好明顯係即炸即上，不過要食得夠快，如果唔係凍左就會痴實一大pat，口感都馬馬。