海港酒家

營業中

休息中

放假落街飲早茶～7點幾8點已經幾full，雖然都未到要等飛既狀態，但係已經個個都係搭枱坐哂人咁制。選擇唔算十分多，但係基本野都叫做有齊哂。不過我印象中好似以前係再多啲選擇。松露野菌腸，好少見到飲茶既地方有呢款，通常都係蝦腸，叉燒腸之類。呢個清清地，入面都包左唔少菇類，仲有淡淡既黑松露味。糯米飯正常發揮～瑤柱豆苗餃，我本身以為佢係蝦餃皮。。。呢隻我麻麻地鐘意，不過朋友就話呢隻皮好啲，唔會咁易爛哂。而且佢無乜瑤柱，早知叫個灌湯餃我喜歡既紅棗糕，呢個次次黎都會叫，紅棗味香，又煙韌！不過唔知做乜有粒飯係上面。。。呀姐應該要留意下，出之前挑走佢會好少少。