下站帖 (已結業)

今日去左尖沙咀行街，行行下見到有間台式飲品店。最近香港的台式飲品店愈開愈多，間間都各有特色，而且人流又非常多。「下站帖」，相比起幸福堂，我更愛下站帖。鋪頭有個影相位，影相都好影架！飲品選擇好多，我叫左兩杯，一陣行街可以邊行邊飲啊！下午去左鋪頭，人客都唔少，等左10分鐘終於買到我最愛既飲品！我每次都會叫波霸厚醇奶，賣相真係好靚啊！珍珠奶茶，整得好一啲都唔容易！珍珠煙韌充滿口感，粒粒有咬口，而家中間唔會太硬太實，食完唔會好飽肚。甜度岩岩好，唔會太甜太膩。值得一讚奶茶底，奶味香濃夠哂滑溜，飲落又不失茶香，的確驚喜！另一杯叫左青檸茶，比珍珠奶茶輕盈清香，飲完珍珠奶茶之後再飲依杯，更加清膩開胃。