餃子縣餃子專門店 (已結業)

成日都會行下好景, 排隊食下肥姐, 近排就係見到一間新開的餃子店, 都幾多人食, 就諗住拍拖去食下裡面唔太大, 但都坐成50-60人架, 都幾好生意喎最後, 安排左呢個角落位置, 旺中帶靜, good枱面就係一張menu, 雙面, 一面係餃子, 另一面係小食、麵食同其他落單就係靠呢張喇! 好似車仔麵店咁, 食邊樣就tick邊樣, 不過字型比較細, 公公婆婆就可能要侍應幫一幫了枱面有3種調味, 醋、辣油、辣菜脯我就揀左呢兩樣, 今日食煎餃嘛食煎炸嘢, 配咸檸雪碧, 無咁熱氣嘛!!!!!!(自我感覺良好中)呢度嘅小食, 有大細之選, 幾細心; 皮蛋豆腐(細), 肉鬆甜, 豆腐清, 皮蛋香, 醬汁辣, 開胃之選; 鹵水雞翼, 中規中矩, 不過你都係會叫, 香港人就係雞翼控; 涼伴蓮藕, 爽脆, 汁帶麻辣 涼伴菠菜麵, 必食, 食完仲開胃, 一上枱, 見到都開心, 青瓜一絲絲, 口感似食蟹籽沙律, 底汁有麻醬, 食左呢個先食其他更好主角出場, 煎餃子登場我地加左4蚊轉冰花煎餃, 賣相都值哂睇下幾香脆, 一啪就分開, 呢種做法, 一定要堂食先有呢個效果呢5隻係特式餃子, 但咩口味, 我就完全唔知