皇后餃子

營業中

休息中

今次買咗胡麻雞絲撈麵同幾種小食。撈麵可以揀辣同唔辣，迎合到唔同人嘅需要。辣味個個人都有唔同感覺，就唔係度詳細啦。原味嘅撈麵就係有恰當份量嘅胡麻醬，不過麵質食落少許乾身，青瓜絲唔會有太濃烈嘅生青瓜味，反正令人感覺好清爽，適當咁中和咗微膩嘅胡麻醬撈麵。而且口感有清脆嘅青瓜絲，涼涼地嘅雞絲，同既幼且韌嘅麵條，絕對係夏天降溫必食好西之選!小食方面椒鹽口味嘅炸魚蛋同炸燒賣略鹹，但如果係中意食偏濃味嘅朋友就啱啱好。雞翼就可以見到有啲乾同燶身，不過餃子就非常之香口，餃子買咗粟米同韭菜豬肉味，前者食落好似花姿餅，啱曬大人同小朋友，後者就好香濃韭菜味，唔會一味多肉少菜，健康又清新，配埋個秘製醬汁絕對有驚喜！