甜記餃子 (已搬遷) 新店位置

自從有次同同事黎試左呢度既湯餃後，就一直對佢念念不忘，但奈何小店同office有段距離，所以一直未有再黎。今晚係附近食左個好難食既晚餐，令人心情低落😔，所以決定要黎食甜記餃子，取悅下自己先得😆。之前試過佢既湯餃，今次就試煎餃，再加個小食。韭菜豬肉拼洋蔥牛肉煎餃十隻 ($44)餃子煎到表面金黃，賣相吸引。餃子皮仍然很薄，食落唔會覺得成口麵粉，不過金黃色既皮唔脆，估計油溫唔夠，令餃子皮吸油多左而變淋，油膩感亦高左。韭菜味香濃，菜肉比例岩岩好，配埋小店自家製蝦米菜脯食最正。洋蔥牛肉餃相對無咁飽滿，洋蔥清甜，牛味偏淡。個人認為呢度既湯餃比煎餃好味。麻辣雞腎 ($24)雞腎爽口彈牙，配個又麻又辣既醬，非常惹味!! 以呢個價錢非常抵食。