餃餃餃子 (已結業)

來左灣仔諗住食個快餐，見到呢間餐廳都幾多人就入去食。首先叫左個鰻魚飯（$68）- 饅魚本身好大件，肥美多汁，加上鰻魚汁撈飯超正，不過個飯本身就唔係好大。再叫左個Chao Chao 餃子（$24/8粒）-個menu 寫住chao chao餃子使用嚴選的食材/人手每天包製/脆薄多餡，上菜後個餃子真係皮薄餡靚，配上佢店里介紹的醬汁，幾有風味。最後仲叫左個排第2位的Puri Puri 海老餃子（$45/5粒）- 個餃子好似食緊蝦餃咁，粒粒鮮蝦分明，好爽口，好足料，配上本身附送的鹽，口感更有層次，本人鍾意海老餃子多過Chao Chao餃子。走個時都幾多人係門口排隊。