胡同 (已搬遷) 新店位置

胡同已經係第二次食喇，記得第一次係同朋友黎食下午時間，落地玻璃望住維港食LUNCH，的確可以令平時繁忙既節奏慢落黎。今年好朋友生日決定試下食晚飯先。 因為我地係訂位，所以唔需要等候。一入門口好有氣氛，擺設有老北京既風味，燈光較暗應該係方便客人睇夜景。景色絕對係一流。我地一行3人點左幾個菜色，有手"棒棒雞" 辣辣地好惹味，而且好香好有雞味。話梅蝦既汁有D甜，唔算突出。王府烤鴨有少少乾，但味道不錯，如果醬汁唔好咁甜會更加好。 仲有個豆腐都好味，可以一試。整體食物既味道一般，賣相就唔錯，食到一半又有師父去餐廳入門口位置表演拉麵條，師父表演既時候仲有強勁既音樂伴奏，幾特別。 如果有朋友係外國人，好應該黎食下晚飯等佢地開心下。服務亦都可以接受，但相信唔會經常食，鐘意睇靚景食氣氛既不妨一試。