大圍168串宵

營業中

休息中

好物梗係要開心Share，今晚同個 Frd 夜晚o係大圍食宵夜吹水，識食梗係食串燒啦。我哋二話不說，一坐底即叫【海鹽燒鯖魚】、【燒雞翼】、【燒墨魚丸】，由於每一樣食材都係即叫即燒，所以需時都要一大約15-20 分鐘左右，不過值得的。晶凝透薄的海鹽平均的灑滿鯖魚的魚身，鯖魚的火喉控制得很平均，可能個人喜好的關係，特別喜歡燒得較焦脆的部分，份外香口。【燒牛油雜錦錫紙包】係我覺得最抵食既其中一款食品，錫紙內放滿娃娃菜、金菇菜、雞脾菇，沾滿了香葱蒜蓉和牛油，入晒味。特別推介:【酒燒蜆】足料連殼蜆肉，師傅仔好細心地用錫紙作湯碗載著，既可保持熱度，同時亦使其更加入味，酒既份量拿揑得剛剛好，不會掩蓋了蜆肉本身的鮮味。哈哈...最後我連湯都飲埋，真在太正斗喇。【燒原條牛油粟米】係必食既，新鮮粟米大大粒爽口甜味，牛油既份量一啲都唔吝嗇，【燒菠蘿】新鮮菠蘿夠晒鮮甜，菠蘿控和粟米控更加唔可以錯過喔。