Hungry Lobster (已結業)

今晚食自己，放工行左去登龍街搵飯食，見到呢間有單邊望街座位於是入去散叫左個意粉同湯，入得嚟當然食全龍蝦啦！龍蝦意粉（$138）好夠醬汁，每啖意粉入口都連汁，而汁夠濃龍蝦味，加埋已熟車厘茄帶一酸味，令成個意粉香口又惹味。龍蝦頭帶肉，而且蝦頭都唔少肉同膏（識食既話），食完都飽但又開左個胃，於是叫多個法式龍蝦湯（$58）。龍蝦湯連一塊已焗香左既牛油法包。龍蝦湯好濃味，陣陣龍蝦香，岩晒我呢個濃味怪，點埋帶脆既法包食味道好夾！下次帶埋親愛的嚟食先！