Channel 3 Tapas Bar & Restaurant

營業中

休息中

今晚同朋友即興到這間Bar & restaurant吹水食飯，未到七點已經爆場，只有吧枱坐，雖然地方不大，但場內氣氛好正，暗暗的環境加上強勁的音樂，又有大投射屏幕可以睇波。餐廳雖然只得個小小的開放式廚房，但餐牌選擇都不少，亦未因為開放式廚房而令到餐廳好大油煙味。一坐低侍應便會送上一客$40 可以無限refill的粟米片，送酒一流。餐廳主打西班牙小食Tapas，但都會有沙律，薄餅，主菜等，價錢不算貴。我們先來一個凱撒沙律，可以加$10配上雞肉或煙三文魚，我們配了煙三文魚，份量都頗多，新鮮沙律菜配上煙肉碎同芝士碎，是一個很傳統的做法。西班牙雞肉辣肉腸燴飯，辣肉腸味道滲入意大利飯中，增加燴飯的香味，咸香帶點微辣。板燒西班牙黑豚肉，擺盤精美，黑豚肉煮得剛好，肉質粉嫩，配上味道甜甜的蕃薯條，炸得乾身不油膩，比起薯條更健康，還有茄子及翠玉瓜作伴碟，中和肉類的油膩感。另外點了杯好適合女仔飲的mocktail-Barcelona 。之前經常覺得以飲酒為主的餐廳，食物質素應該只是一般吧! 但今晚對這個睇法有點兒改變。