芝加哥串燒 (美豐花園) (已結業)

放假當然要放鬆下，同朋友頑下食下，今日就試左呢間芝加哥串燒，環境係酒吧設計，但播放一啲輕鬆音樂，環境整潔👍🏾呢度主打各類串燒，款式夠多元化，足足有滿滿既兩頁紙選擇，另外仲有各類既酒精飲品，當宵夜又得，晚餐都ok😉最緊要夠放鬆✅碳燒牛扒特別推介呢個牛扒，牛扒偏薄切，但燒過既牛肉有焦香味，肉質軟腍唔會韌，配埋個帶酸既醬汁，可以減低油膩感，值得推介✅茄子燒茄子原條上，加埋蒜蓉孜然呢啲惹味香料，熟度岩岩好，夠腍又唔會爛哂✅炭燒豬頸肉豬頸肉係粒狀串埋一齊咁，但肉質好爽脆，燒一燒感覺更香口✅炸厚切薯片係長洲食過旋風薯條，呢度有隻迷你版，炸到金黃香脆，入口仲熱辣辣✅飲品呢度有好多類型既酒精飲品，今日簡左款apple cider同手工啤酒，今次揀既手工啤帶果味，味道都算易入口☺️🌟呢度既環境好適合放工happy hour，聽下輕鬆音樂，同朋友飲杯野食下野，價錢都算合理